Nyirubutungane Papa Fransisko arasaba Leta z’Ibihugu gushyiraho Politiki zigamije kurinda Ingo

Muri uku kwezi kwa Nyakanga 2020, Nyirubutungane Papa Fransisko arifuza ko Ingo zitabwaho n’inzego zose, by’umwihariko Leta z’ibihugu.

Mu butumwa bwe, yacishije kuri Videwo ya “YouTube”, kuwa 2 Nyakanga 2020, Papa Fransisko yagarutse ku bihe bikomeye Ingo zinyuramo muri iki gihe, kenshi birangwa no guhuzagurika bitewe n’isi ya none yuzuye ibibazo, ku buryo bisaba kuziherekezanya urukundo

. Ibibazo Ingo zirimo ubu bitandukanye n’ibibazo byo hambere. Isi ya none yugarijwe n’ibibazo bitandukanye bigira ingaruka ku Ngo: Umuco urangwa n’igihe kihuta, ubushomeri aho kubona akazi bigoye kuri benshi; rimwe na rimwe Ingo zihura n’ibibazo bitandukanye birino ubukene, uburwayi, kwigunga, kutumvikana.. . Niyo mpamvu Leta z’ibihugu zigomba gushyiraho Politiki ziherekeza kandi zirinda Ingo.

Nyirubutungane Papa yagarutse ku byonnyi n’ibibazo byugarije Ingo. Aragaragaza ko ababyeyi rimwe na rimwe batita ku bana babo, maze agashimangira ko Kiliziya ikwiye guhora ikomeza Ingo kandi ikaziba hafi kugira ngo ingo zibone inzira zazifasha kurenga ibibazo byose bizugarije.

Ibyifashishijwe:

• Inkuru y’ikinyamakuru cya Kiliziya yasohotse kuri “www.vatican.news.va” yasohotse kuwa 2 Nyakanga 2020, 17h00′
• Videwo ya Papa yasohotse kuri “YouTube” kuwa 2 Nyakanga 2020

Padiri Dieudonné UWAMAHORO

Umuyobozi wa Komisiyo ya Diyosezi ishinzwe Uburyo bw’Itumanaho n’Ibikorwa Ndangamuco muri Diyosezi ya Kibungo.