inability, for at least 3 months duration, to achieve and/or38TREATMENT FOR ERECTILE tadalafil.

Pallium” ni umwe mu myambaro ya Liturujiya, ugenewe Arikiyepiskopi nk’umwepiskopi uyobora intara ya Kiliziya Gatolika ( Province ecclésiastique ), ukaba ikimenyetse kiranga ubutumwa yahawe bwo kuragira ubushyo bw’Imana, yunze ubumwe na Papa nk’Umushumba wa Kiliziya imwe Ntagatifu Gatolika ishingiye ku Ntumwa.

Mu mateka ya Kiliziya, uwo mwambaro wambikwaga ba Arikiyepiskopi bashya bose ku munsi mukuru w’Abatagatifu Petero na Pawulo uba ku itariki ya 29 Kamena buri mwaka.

Kuva kuwa 29 Mutarama 2015, Nyirubutungane Papa Faransisko yatangaje icyemezo yafashe, mu rwandiko rwo kuwa 12 Mutarama uwo mwaka yoherereje Intumwa za Papa mu bihugu byose, cy’uko kuva ubwo ba Arikiyepiskopi bashya bazajya bawambikwa n’Intumwa ya Papa mu bihugu, buri wese muri Diyosezi ye bwite.

Gusa ba Arikiyepiskopi bazakomeza kujya bajya i Roma mu birori byo guhimbaza umunsi mukuru w’Abatagatifu Petero na Pawulo kuwa 29 Kamena, aho Papa aha umugisha za « Palliums » zose, maze agahereza mu biganze bye buri wese ku giti cye Pallium azambikwa.

Twibutse ko Nyiricyubahiro Musenyeri Antoni KAMBANDA yakiriye iyo “Pallium” mu biganza bya Nyirubutungane Papa Faransisko, mu Gitambo cya Misa cyaturiwe i Roma kuwa 29 Kamena 2019.

#

Comments are closed