Inama yaKomisiyo ya Kateshezi yatangiye i saa 10h00 yitabirwa n’abagize Komisiyo 12 ndetse n’Abakuru b’Abakateshisti. Batangiriye mu matsinda atandukanye, bateganya guhuza ibitekerezo nyuma. Hatangijwe isengesho riyobowe na Padiri Jean Claude Perezida wa Komisiyo.Yasomye muri Yh 4,43-54. Bazirikanye ku gukomera ku kwemera no kuguha abandi.

Hakurikiyeho gusomerwa raporo y’ubushize bayikorera ubugororangingo. Basabiye nyuma akanya gato Nyakwigendera Padiri Karoli Mudahinyuka, wari umwe mu bagize Komisiyo. Bishimiye uko igikorwa cy’amahugurwa cyagenze, cyafunguwe n’Umwepiskopi, Nyiricyubahiro Myr Antoni KAMBANDA. Abakateshisti baritabiriye n’ababahugura baraje. Ibitabo by’imfashanyigisho byatanzwe n’Inama Nkuru y’Abepiskopi, muri komisiyo ibishinzwe, nabyo byaraguzwe muri za Paruwasi zose kandi birakoreshwa. Ibyabonetse ni iby’Ukaristiya ya mbere, Batisimu n’Ugukomezwa.

Mu ntangiriro y’ibyo bitabo, niho handitsemo umurongo ngenderwaho wa Kateshezi. Uhasomye amenya icyo agomba gukora, kuko amasakaramentu y’ibanze arategurwa agatangwa kuri Pasika, uretse Ugukomezwa gutangwa n’Umwepiskopi. Amahugurwa y’Abakateshisti  yagombye gushingira kuri ibyo bitabo. Abapadiri bakabigarukaho mu nama bagirana.

Ibikorwa by’urukundo by’Abakateshisti byarakozwe. Muri Adventi, hasohotse mu isanduku amafaranga ibihumbi mirongo itanu (50.000Frw). Bagiye bafashisha bagenzi babo amafaranga ibihumbi cumi, kuri buri muntu.Basanzwe bashyira amafaranga yabo kuri Konti iri muri RIM. Inama y’abakuru babo iheruka yabaye tariki ya 25/09/2017. Amagare yaratanzwe. Ayasabwe yageze kubo yaragenewe, abatayafite ni abinjiyemo vuba. Uhagarariye Umuterankunga MIVA, yasuye abayahawe, nawe yishimiye ibyakozwe.

Hakurikiyeho ibyari ku murongo w’ibyigwa:

1. Kunoza igitekerezo cy’uko Abakateshisti batabonye “Formation” bajya bategurirwa mu Maparuwasi yabo n’abatorwa bakava ahazwi.

Inama yagarutse ku kuntu inama z’Abakateshisti za buri kwezi ari ingirakamaro. Bashobora guhugurana, cyangwa bagahugurwa kuko ibiri mu mfashanyigisho, mu ntangiriro zabyo bihagije, kandi bikwiye gushyirwa mu ngiro. Iyo begereye Abasaserdoti bagakorana byose bigenda neza. Igitabo kigomba kuba ingendanyi y’Umukateshisti. Ntagahuzagurike. Gusubira mu mihango ikorwa no mu byo bigisha, igihe bari muri izo nama, ni ingenzi. Ayo yaba amahugurwa y’ibitabo: Ibyigwa; uko byigishwa; ubucengezangabire… Hari uburyo butatu byakorwamo:

  1. Paruwasi ubwayo yakishakamo abigisha, cyane cyane ababihuguriwe.
  2. Paruwasi ishobora kwifashisha abaturanyi babo, mu gihe bo ntabo bafite.
  3. Paruwasi ishobora kwitabaza abagize Komisiyo ishinzwe Kateshezi.

Muri macye, amahugurwa yabera muri buri Paruwasi, mu bufatanye, bigatangira ari rimwe mu kwezi maze ikifashisha abo ikeneye, Abapadiri, Ababikira, abandi Bakateshisti. Byatera imbere banatumiramo abashaka kumenya ibikorwa byabo, ndetse n’abashaka kwiga ibindi nka Bibiliya; Liturujiya; Gatigisimu ya Kiliziya Gaturika…

Byaba byiza hashakishijwe abakristu batandukanye, abakuru n’abato kugira ngo hazaboneke Abakateshisti b’ingeri zose. Iyo bose bamaze gukura ntihaboneke abakiri bato, bidindiza ubutumwa. Abari mu nama bagaragaje amaparuwasi, ayo mahugurwa yatangiyemo. Bemeza ko bishoboka, ko atari ibitekerezo gusa. Ibyo binasubiza ukuntu abakateshisti batorwa, byakorohera Diyosezi kubabona kandi bakava ahantu hazwi.

2. Igikorwa cy’Abakateshisti mu Gisibo

Iyi ngingo yizwe kandi inonosorwa n’Abakuru b’Abakateshisti bitabiriye inama yabo. Mu isanduku yabo rusange, bazakuramo amafaranga ibihumbi mirongo itanu (50.000Frw). Ubundi bagende biyongereraho, bafasha ababikeneye, batoranyijwe. Babikoreye raporo yihariye.

3. Utuntu n’utundi

a) Igikorwa cy’urukundo ku bitegura amasakaramentu

Inama yagaragaje akamaro ko gutoza abigishwa cyane ab’ abana igikorwa cy’urukundo, igihe bitegura amasakaramentu. Mu murongo wa Kateshezi ibyo birimo. Cyaba igikorwa bo ubwabo bihitiyemo, bitewe n’aho batuye n’icyo bakeneye: gushakira inkwi cyangwa amazi umukene, kumuhingira, gufasha bagenzi babo bababaye… Bibatera ishyaka ryo gufasha, bakabikurana. Ibyo bikorwa byakorerwa raporo bikandikwa muri gahunda ya Caritas. Bigira akamaro kanini. Twavuga nko gushaka iby’Ukwezi k’urukundo n’impuhwe, inkunga ya Diyosezi…

b) “Statut” n’Ikarita by’Umukateshisti

Inama yibukije ko kubijyanye na “Statut” y’Umukateshisti, Umwepiskopi yavuze mu gihe cy’amahugurwa, ko biriho byigwa ku rwego rw’Inama Nkuru y’Abepiskopi mu Rwanda. Birakwiye gutegereza. Naho Ikarita yo izatunganywa na Diyosezi. Bazagendera kuzo bakoreshaga mbere, maze handikwe izindi. Komisiyo izabikurikirana.

c) Umunsi Mukuru wa Petero na Pawulo mu mwaka wa Yubile ya Diyosezi

Umunsi mukuruwa Petero na Pawulo mu mwaka wa Yubile ya Diyosezi uzizihirizwa kuri Diyosezi tariki ya 29/06/2018. Uzitabirwa n’Abakateshisti n’abafasha babo ndetse n’umwana umwe.Amafaranga azatangwa ni igihumbi kuri buri wese.Paruwasi izafasha mu gutanga ay’urugendo. Diyosezi izatera inkunga muri icyo gikorwa. Imigabane yose izagera kuri Diyosezi tariki ya 31/05/2018 n’abazajyayo umubare wabo ukaba wamenyekanye. Indirimbo nshyashya izategurwa na Paruwasi Rwamagana; imbyino ni Paruwasi ya Kibungo. Umuvugo ni Paruwasi ya Kansana. Abana bigira amasakaramentu bo muri Paruwasi ya Kibungo, bazaza kumva Misa kuri uwo munsi.

Nyuma hakurikiyeho uguhuza abitabiriye inama, Komisiyo n’Abakuru b’Abakateshisti. Inama kandi yakiriye Padiri Noheli Nizeyimana, hamwe n’Abakateshisti baje mu nama ubwa mbere. Inama yarangiye i saa 12h45’.

ABITABIRIYE INAMA:

  1. DUSABEMARIYA Appolinaire  MUNYAGA    Tel.0723717598
  2. CYIZA Clémentine         RUKIRA                      Tel.0786319884
  3. NDAYAMBAJE André    GASHIRU                   Tel.0726319756/ 0783319756
  4. KAYIBANDA Philémon   GISHANDA               Tel.0727170736/ 0785023021
  5. HAKUZIMANA Noël        ZAZA                         Tel.0722213798/ 0783498440
  6. NZABONIMANA Frodouard     KANSANA      Tel.0788983674/ 0722983674
  7. NYIRABARIGIRA Gratia  RWAMAGANA         Tel. 0787142358/ 0726453111
  8. NDARUHUTSE Jean Baptiste KIBUNGO         Tel.0788849905
  9. NTACYOBAZI François             KIREHE             Tel.0722163323
  10. MURANGWA Aphrodis          BARE                Tel.0783320369/ 0727318168
  11. NIYONZIMA Alfred                  GAHARA          Tel. 0783562786/ 0723750837
  12. P.Jean Claude RUBERANDINDA         RUKOMA         Tel.0788418106/ 0728418
  13. RUBAMBANAMIHIGO Célérin RUKOMA      Tel.0725609237/ 0787196401
  14. HABUMUGISHA Védaste   RUSUMO      Tel. 0783745763/ 0722782775/ 0734159159
  15. NGOMAYUBU Wenceslas           NYARUBUYE      Tel.0787423924/ 0725042550
  16. A.Noél HAKIZIMANA                     RUKIRA               Tel.0783216101
  17. HABUMUGISHA Gracien               KABARONDO     Tel.0722658438
  18. SEKAMANA Azadès                        KIBUNGO            Tel.0788736340/ 0722736340
  19. KATABARWA Augustin                  RUKARA               Tel.0783138398/ 0723838398
  20. NYIRAMBARUSHIMANA Alodie    MUKARANGE     Tel.0783349135/ 0728352313
  21. A.Justas HABYARIMANA                 RUKARA              Tel.0788473644/ 0722465739
  22. Sr. Marie Françoise                          KIBUNGO            Tel.072599026/ 0786113736
  23. A.Dieudonné UWAMAHORO          ZAZA                   Tel.0788457871

Umwanditsi w’Inama: RUBAMBANAMIHIGO Célérin, Sé, Umuyobozi w’inama

Padiri Jean Claude RUBERANDINDA, Perezida wa Komisiyo ya Kateshezi

#

Comments are closed